“Vijnë në Britani me varka të vogla dhe nuk ikin nga lufta”, deputetët: Shqiptarët çojeni në…

Britania e Madhe është destinacioni kryesor për shqiptarët që duan të ndërtojnë një të ardhshme jashtë Shqipërisë, në një kohë të shkurtër. Mediat londineze shkruajnë se mbrëmë deputetët u bënë thirrje ministrave që të dyfishojnë përpjekjet e tyre për të deportuar emigrantët në Ruandë, pas një rritjeje të numrit të shqiptarëve që përdorin gomone për të hyrë në Britani.

“Emigrantët nga vendi ballkanik, një anëtar i NATO-s që dëshiron të anëtarësohet në BE, tani përbëjnë katër në dhjetë të ardhur nga Franca veriore. Përshkallëzimi bëri që 1075 shqiptarë të mbërrinin në Britaninë e Madhe me gomone dhe varka të vogla brenda gjashtë javëve deri më 12 korrik. Ata përbënin 37.5 për qind të të gjithë emigrantëve të trafikuar në Mbretërinë e Bashkuar me gomone nga bandat gjatë kësaj periudhe, duke eklipsuar të gjitha kombësitë e tjera, përfshirë këtu afganët, iranianët, irakenët dhe sirianë”.

Mbështetësit konservatorë i bënë thirrje kryeministrit të ardhshëm që të veprojë urgjentisht. Natalie Elphicke, deputete konservatore për Dover, tha se “Është e qartë se shumë shqiptarë që vijnë në MB me varka të vogla nuk po ikin nga lufta apo persekutimi, ata janë emigrantë ekonomikë. Ky është një kriminalitet flagrant dhe nënvizon urgjencën për të vazhduar me Ruandën dhe skema të ngjashme”.

Kurse Tom Hunt, deputeti konservator për Ipswich, tha se shifrat “vërtet hapëse theksojnë pse është kaq kritike që qeveria të fillojë dhe të prezantojë Ruandën si skemë”.