Vijonte të mos i bindej urdhrit, pogradecarit i mbyllet lokali, gjobiten edhe 10 klientët që u gjetën brenda

Pronari i një lokali në qytetin liqenor është gjobitur një milion lekë dhe është mbyllur, pasi për të disatën herë nuk i është bindur urdhrit për të mbyllur aktivitetin.

Pas disa paralajmërimeve, sot inspektorët e kanë konstatuar sërish hapur lokalin duke e gjobitur një milion lekë, ndërsa në bazë të Aktit Normativ mbyllet për gjashtë muaj.

Ndërkohë që ndëshkimit nuk i kanë shpëtuar as klientët që ishin në lokal. Report Tv raporton se 10 qytetarët që ishin brenda në lokal janë gjobitur 10 mijë lekë secili.