Viktima e parë nga koronavirusi, Ministria: S’mundi të mbijetojë

Në një dalje për mediat, zv. ministrja e Shëndetësisë, Mira Rakacolli ka dhënë detaje lidhur viktimën që humbi jetën në spitalin e Durrësit nga koronavirusi. Rakacolli tha se pacientja që ndodhej e izoluar nuk mundi të mbijetoj si pasojë e komplikacioneve të rënda.

”Pacientja që ndodhej e izoluar në Durrës nuk mundi të mbijetoj si pasojë e komplikacioneve të rënda si pasojë e disa sëmundjeve bashkëshoqëruese kardiake dhe pulmonare. 73-vjecarja vuante nga sëmundje të tjera bashkëshoqëruese: Insuficience kardiake kronike, SPOK, Nyha III, Fibrilation atrial, hypertyreisis, tatus post by pass. Pavarësisht përpjekjeve nga mjekët pacientja nuk mundi të mbijetoj. Sot paradite nga ana e ekipit është kërkuar transferimi i saj në Qendrën Spitalore Nënë Tereza, por pacientja nuk mundi të mbijetoj”.

E pyetur sërish në lidhje me rastin e pacientes në qytetin e Durrësit, nëse mjekët të cilët janë kujdesur për të janë pajisur me masat e duhura ajo përgjigjet ”Në momentin që është dhënë diagnoza kanë qenë të veshur me mjetet e duhura, mundësia e infektimit është pothuajse 0. Ata që kanë pasur kontakte më herët me të janë të vetëkarantinuar dhe pritet përgjigjja e analizave. Ajo ka qenë në dhomë vetëm. Është një proces, gjë e cila nuk mund të bëhet në moment. Në lidhje me rritjen e çmimeve në farmaci, një ligj për këtë gjë nuk ka, nuk është normale që të bëjnë këtë gjë farmacistët, prokuroria ka nisur një hetim në lidhje me këtë gjë. Pajisjen e të gjithë vendeve që ofrojnë shërbim publik ta kalojnë shërbimin online”.