Viktor Tushaj, takim me Shoqatën Lezha

Emigrantët janë ata të cilët i vënë re më së miri ndryshimet dhe zhvillimet që qyteti I Lezhës po pëson Dita-Ditës. Gjatë një takimi me Shoqatën Lezha, kandidati Viktor Tushaj mori besimin e banorëve më të vjetër të qytetit, një pjesë e të cilëve emigruan në vitet e para të tranzicionit në kërkim të një jete më të mirë, e që sot po rikthehen krenar për ndryshimet positive që Lezha po pëson.

Mes emocionesh një emigrant i rikthyer tashmë, tregon eksperiencën e tij dhe ndryshimet e hasura vit pas viti, standardet e reja të shërbimeve të vendosura që nuk dallojnë shumë nga standardet që ishin në vendin  ku punoi dhe jetoi për vite me radhë.

Kandidati Viktor Tushaj në fjalën e tij drejtuar të pranishmëve tha se Lezha ka pësuar ndryshime rrënjësore  dhe se rritja demografike e këtij qyteti  I dedikohet kryesisht lezhjanëve të vjetër të cilët me tolerancën dhe kulturën që I karakterizon, ditën të mirëpresin dhe të integrojnë të ardhurit.

“Është kënaqësi të kontaktosh e të bisedosh me ju, pasi kush më mirë se ju e kupton përpjekjen për ta transformuar qytetin, theksoi më tej Tushaj.

Sipas tij Lezha është në Drejtimin e Duhur për shkak të atyre investimeve që kemi bërë në Shkolla, në infrastrukturë, në ujësjellës dhe shërbime të tjera në favor të qytetarëve. Historia tre mijë vjecare e Lezhës, me resurset e shumta historike dhe natyrore, nuk mund të udhëtonte më me mungesën e investimeve, -tha ndër të tjera Kandidati Viktor Tushaj.

Ndërkohë e pranishme në mbështetje të z. Tushaj, ishte edhe Ministrja Mimi Kodheli, e cila ngriti në piedestal vlerat e qytetarëve të vjetër lezhjanë të cilët mikpritën dhe i integruan familjet e shumta të ardhura nga zonat e thella veriore dhe jo vetëm.

Ministrja e mbrojtjes shprehu besimin se lezhjanet e vjeter do të dinë të zgjedhin alternativën më të mirë për qeverisjen e bashkisë së madhe.