Vjedhja e energjisë elektrike, biznesi i madh në lupën e Policisë

Në një kohë që nga qeveria flitet për krizë energjitike, Policia e Shtetit mësohet se do të nisë aksion në të gjithë vendin për vjedhjen e energjisë elektrike.

Në një mbledhje të thirrur nga ministri i Brendshëm, Bledi Çuçi dhe ministrja e Energjisë dhe Infrastrukturës, Belinda Balluku me drejtuesit më të lartë të uniformave blu, është kërkuar që vjedhja e energjisë të jetë në fokusin e policisë së shtetit.

Kontrollet në bizneset e mëdha, të cilat do duhet të monitorohen në bashkëpunim me OSSHE. Referuar raportit të Entit Rregullator të Energjisë, në vitin 2020 niveli i humbjes së energjisë elektrike përllogaritej 1.4 milionë megavat, nga të cilat rreth 60% vinte nga vjedhja e energjisë.