Vjehrri dhunon nusen shtatzënë në Fier, në Korçë “burrat e familjes rrahin gratë”

Asambleja e Përgjithshme e Kombeve të Bashkuara, 15 majin e ka shpallur Ditën Ndërkombëtare të Familjes, në mënyrë që të rrisë ndërgjegjësimin për problemet dhe çështjet e familjes dhe për të ndihmuar që këto çështje të fitojnë rol të rëndësishëm në politikat e shteteve anëtare. Por pikërisht në këtë ditë, si për ironi të fatit, në Fier e Korçë shënohet dhunë e papreçendentë brenda familjes.

Fier, vjehrri në pranga  pasi rrahu nusen 8-muajshe shtatzënë  

Vjehrri denoncohet se ka rrahur nusen e djalit shtatzënë. Ngjarja ka ndodhur në Cakran të Fierit, ku 58 vjeçari Methat K., ka ushtruar dhunë ndaj nuses së re e cila ishte shtatzënë. Nga ana e uniformave blu u bë arrestimi në flagrancë i tij, pasi denoncimit për dhunës fizike dhe psikologjike që ushtroi mbrëmjen e djeshme ndaj bashkëshortes së djalit të tij me iniciale Z. K., 26 vjeçe.  E dhunuar dhe e rrezikuar nga ajo që mund ta priste nga dhuna e vjehrrit 26 vjeçarja shtatzënë ka denoncuar babanë e të shoqit në polici dhe ky i fundit përfundoi në qeli.  Mësohet se e dëmtuara është dërguar dhe mori ndihmën e parë në spital, ku ajo dhe foshnja që mban në bark nuk janë në rrezik.

Korçë, vjehrra dhe nusja denoncojnë burrat për dhunë

Një nuse dhe vjehrra e saj, në Korçë, i janë drejtuar policisë së këtij qyteti për të kërkuar ndihmë nga dhuna që pësonin sistematikisht nga bashkëshortët e tyre. Gjatë ditës së djeshme u plotësua kërkesë-padia për lëshimin e urdhrit të mbrojtjes së menjëhershme për shtetasen me iniciale M.Sh,30 vjeçe dhe V.Sh, 60- vjeçe, banuese në fshatin Dvoran. Denoncimi u bë pasi respektivisht vjehrri i së resë dhe bashkëshorti i 60- vjeçares, shtetasi me iniciale N.Sh, 73- vjeç, si dhe bashkëshorti i së resë dhe djali i së moshuarës, me iniciale M.Sh, 30- vjeç, ushtronin dhunë fizike e psikologjike ndaj tyre. Policia njofton se nisi hetimet dhe po punohet për zbardhjen e shkaqeve të dhunës.