“Vjosa park kombëtar”, Tritan Shehu: Mbështes me të gjitha energjitë këtë projekt të rëndësishëm

Deputeti i zgjedhur i PD në Gjirokastër, Tritan Shehu, thotë se mbështet fuqimisht shpalljen e Vjosës Park Kombëtar.

Në një postim në Facebook, Shehu shkruan: 

“Vjosa park kombëtar”!
Mbështes me të gjitha energjitë dhe forcën këtë projekt shumë të rëndësishëm, jo vetëm për Qarkun e Gjirokastrës, por dhe shumë më gjerë!
Ne fakt, ashtu si tha dje në Përmet dhe ambasadori Soreca, ky duhet konsiderusr një projekt europian, me vlera të veçanta jo vetëm mjedisore, por dhe në zhvillim të një pasurie të madhe të Kontinentit tonë.
Një projekt i tillë i madh duhet realizuar me mbështetjen e BE, se bashku me Greqinë, e cila i ka kushtuar një rendesi të veçantë pjesës së “lindjes” se Vjosës me kanionin unik të saj.
Vetëm Qeveria shqiptare nuk paraqit asnjë program e projekt serioz, nuk merr asnjë masa mbrojtëse, veçse vazhdon dëmtimin e kësaj pasurie të pallogaritshme natyrore.