Vlora hap sezonin turistik me panair dhe koncert

“Ejani në Vlorë”, është ftesa e Bashkisë së qytetit bregdetar, e cila synon që këtë vit të kthehet në epiqendrën e turizmit veror.

Me këtë slogan Vlora hapi zyrtarisht sezonin turistik 2019. Një sërë aktivitetesh i kanë paraprirë çeljes zyrtare të sezonit, ku një prej tyre ishte edhe panairi i turizmit ku u prezantuan bizneset dhe gastronomia vlonjate.

Kryetari i Bashkisë i ka bërë thirrje turistëve vendas dhe te huaj të vizitojnë Vlorën, për bukuritë dhe atë çfarë ky vend ofron me bujari. Aktivitetet për hapjen e sezonit veror janë përmbyllur në Lungomare me një koncert të madh festiv si dhe me një spektakël fishekzjarrësh.