Vlorë, 17 familje evakuohen, 7 banesa nën ujë

Është rënduar situata në zonën e Vlorës. 17 familje që rrezikoheshin nga përmbytjet janë evakuuar me urgjencë nga Forcat e Armatosura që kanë mbërritur në terren gjatë natës.

17 familjet që rrezikohen nga përmbytja e lumit Vjosë, janë evakuuar për herë të dytë brenda 2 muajsh.

Dalja e Vjosës është e ngjashme me situatën e dhjetorit, deri tani janë 7 banesa plotësisht nën ujë.

Banorët e fshatrave Novoselë, Fitore, Bishan kanë nisur evakuimin dhe largimin e gjësë së gjallë për të shmangur pasojat.