Vokshi dhe Noka përplasen me Policinë, tensione edhe në Rrogozhinë

Mosbindja civile më e fortë është tek Kthesa e Kamzës. Deputetët e PD-së Albana Vokshi dhe Flamur Noka janë përplasur me policët, teksa protesta në rrethrrotullimin e ish-sheshit “Shqiponja” është tensionuar. Opozita dhe mbështetësit e saj kanë paralizuar prej rreth 2 orësh akset kryesore në vend. Policia po i orienton mjetet në rrugët dytësore, ndërsa janë pozicionuar qindra forca në zonat ku po zhvillohet tubimi. Situata e tensionuar deri më tani paraqitet edhe në Rrogozhinë, ndërsa janë djegur goma në Milot dhe Shkozet.