Voltana Ademi: Faleminderit Shkodra! Përmes braktisjes, i treguam Ramës që jemi shumica

Përmes një statusi në “Facebook”, Ademi falenderon të gjithë qytetarët e Shkodrës, që i treguan Ramës se ky nuk ishte një votim, por një referendum.

Sipas Ademit, Rilindja detyroi me anë të presionit qindra persona të votonin por nuk ia doli dot.

Statusi i plotë i Voltana Ademit:

FALEMINDERIT #MIRENJOHJE #RESPEKT

Të dashur bashkëqytetarë!

Kemi kaluar një ditë të vështirë! Përballë një shtetrrethimi, i mbështetur edhe nga struktura kriminale, ia kemi dalë ti trëgojmë regjimit se NE jemi shumica, ne jemi QYTETARËT e SHKODRËS që me shumë qytetari, i dhamë përgjigjen e merituar përmes BRAKTISJES totale!

Sot nuk ishin votime, ky ishte REFERENDUM! Shkodranët, nga Thethi në Velipojë, nga Zogajt në Gurin e Zi, e bojkotuan masivisht diktaturën! Shkodra qëndroi, nuk u nënshtrua, duke i dhënë zemër dhe shpresë gjithë Shqipërisë, ashtu si në vitin 1990!

Ky është lajmi i ditës! Rilindja detyroi me anë të presionit qindra persona të votonin por nuk ia doli dot! Pa llogaritur votat e pavlefshme, të cilat janë të shumta si kurrë më parë!

#AsnjeHapPas #BashkeIaDalim #ShkodraNukPerkulet

#BetejaPerDemokraciVazhdon #ShqiperiaSiEuropa