Vota PS-së për amnistinë në burgje, deputeti i PD-së tregon kushtin

Nënkryetari i PD-së së Bashës, deputeti Kreshnik Çollaku thotë se ka një kusht për ti dhënë votën PS-së për projekligjin e aministisë në burgjet shqiptare. Për të miratuar amnistinë penale në Kuvend që të përfitojnë 600 të dënuar, PS-së i duhen 84 vota që nuk i ka.

”Personalisht për votën time si Kreshnik Çollaku do i jap votën pro me një kusht nëse brenda saj ndalet hetimi, ndëshkimi e persekutimi i të gjithë protestuesve të opozitës të paktën në 10 vjeçarin e fundit.

Kemi qindra demokratë protestues që i kemi thirrur në protesta që zvarriten ende gjyqeve. Kushti im është çlirimi i çdo protestuesi që nuk kanë qenë keqbërës por janë viktimë. Nuk votoj asnjë amnisti pa u amnistuar. Kushti im i vetëm”.