Votim kolektiv në Finiq, Gjykata shtyn konfirmimin e Kiços

Kandidati i pavarur për bashkinë e Finiqit, Leonidha Hristo ka depozituar një ankesë në Kolegjin Zgjedhor ku sipas tij pretendon se ditën e zgjedhjeve ka patur votim kolektiv. Leonidha Hristo kishte përballë kandidatin e partisë minoritare greke “MEGA” (aleat me PS) Kristo Kiço, ku ky i fundit fitoi zgjedhjet duke marrë 41 % të votave.

Nisur nga pretendimet e Hristos thuhet se votat në Finiq kanë qenë kolektive, por mesa duket, kjo gjë ka ardhur, pasi pjesa më e madhe e votuesve, ishin mosha e tretë, të cilët detyrimisht kishin nevojë për orientim.

Duke marrë shkak nga ankesa e Leonidha Hristos, Gjykata e Sarandës ka shtyrë për të martën konfirmimin në detyrë si kryetar të bashkisë së Finiqit, Kristo Kiçon.