Votimi për presidentin e ri, Bardhi: Mungesa tregon një qëndrim koherent

Deputeti demokrat Gazment Bardhi, thotë se mungesa e tij dhe e disa deputetëve të PD-së në sallën e Kuvendit gjatë zgjedhjes së Presidentit, është një qëndrim koherent i grupit ku ai bën pjesë. Për të ky vendim vjen si pasojë e prishjes së marrëveshjes nga ana e PS-së.

”Nuk jemi fare fasadë siç na akuzojnë. Ne nxorëm zbuluar fasadën që po përgatiste. Vota jonë nuk e bllokon dot Edi Ramën nesër që të zgjedhë Presidentin. Vendimi ynë nuk është bojkot.

Për aq kohë sa Rama ka vendosur të zgjedhë kreun e shtetit në një proces 24 orësh, kjo nuk është një situatë normale dhe nuk mund të bëhemi pjesë. Ne nuk kemi marrë pjesë në seancë as në raundin e tretë.

I gjithë grupi ynë parlamentar pas raundit të dytë, kur mazhoranca u tërhoq nga një marrëveshje publike mes palëve, deklaruam se nuk do të bëhemi më pjesë e këtij procesi. Një qëndrim koherent dhe s’ka të bëjë me frikë për rrjedhje votash etj”.