Voton Belind Këlliçi: Sot është dita e madhe e ndryshimit

Kandidati i koalicionit “Bashkë Fitojmë” për Bashkinë e Tiranës, Belind Këlliçi ka votuar i shoqëruar nga nëna e tij në shkollën “Dora d’Istria”. Ai u ka bërë thirrje qytetarëve të Tiranës të votojnë, pasi sot është një ditë e madhe për shqiptarët.

“Sapo kreva detyrën time si qytetar. I ftoj të gjithë të kryejnë detyrën, të gjithë të rinjtë, të gjithë ata që i kam takuar. Sot është dita e madhe, është dita që keni në dorë fatet e këtij qyteti. Kam një apel për rininë për “nacut” e Tiranës, për të gjithë ata që mendojnë se e kanë më të lehtë ikjen, u them jo, hajdeni votoni“, tha ndër të tjera Këlliçi.