Vranësira dhe rebeshe shiu, njihuni me parashikimin e motit

Në vendin tonë moti sot do të jetë i alternuar nga kthjellime dhe vranësira të cilat do sjellin mot të kthjellët që herë pas here do të zëvendësohet nga rebeshe shiu.

Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga 12ºC në 24ºC, në zonat e ulëta nga 18ºC në 30ºC dhe në zonat bregdetare nga 20°C në 31ºC.

Era do të fryejë në drejtim Veriperëndimor ndërsa forca e valëzimit në det do të jetë 4 ballë.

Në Kosovë moti sot do të jetë i alternuar me kthjellime dhe vranësira duke sjellë mot kryesisht të kthjellët që herë pas here do të zëvendësohet nga rebeshe shiu. Sot temperaturat do të pësojnë një rritje të lehtë ku do të variojnë: në zonat malore nga 12ºC deri në 23ºC dhe në zonat e ulëta nga 17ºC në 27ºC.