Vrasësi i nënkomisarit, prokuroria: Aldi Rama u keqtrajtua në Komisariat

Prokuroria e Lezhës ka arritur të provojë se 21-vjeçari Aldi Rama i cili ekzekutoi nënkomisarin Saimir Hoxha dhe më pas u vetëvra, është keqtrajtuar nga policia në kohën kur u arrestua me lëndë narkotike dhe armë të ftohtë në 2020.

Organi i akuzës ka mbyllur hetimet, duke marrë të pandehur një efektiv policie me iniciale M.M. Ndaj policit është ngritura akuza “Kryerja e veprimeve arbitrare” dhe dosja penale e hetuar nga prokurori i Lezhës Francesk Ganaj, brenda pak ditësh do të dërgohet në gjykatë.

Në lidhje me rastin u kryen një sërë veprimesh hetimore, por veç për njërin nga 3 efektivet e policisë të kallëzuar nga i riu është arritur të provohet se ka konsumuar element të veprës penale për të cilën është ngritur dhe akuza.