Vrasësi serial kërkonte ta vriste, ish-vjehrri i Hutrës: Dyshonte për atësinë e djalit

Vrasësi serial Dan Hutra vijon që të mos pendohet për vrasjet. Në këtë histori ka shumë enigma, por babai i Elena Hysës, ish-bashkëjetuesja e Dan Hutrës, autori i masakrave në Tiranë, tregoi detaje të rënda në lidhje me ngjarjen e rëndë.

Në një intervistë telefonike për gazetaren e emisionin “Me zemër të hapur”, babai i 30-vjeçares, i cili humbi vajzën dhe të fejuarën e djalit dhe iu plagos vajza tjetër dhe gruaja, pohoi se Elena e kishte njohur me shkuesi Hutrën. Ai tha se Hutra dyshonte te atësia e fëmijës që kishte me Elenën. Sa i takon çështjen së parave, ai tregon se para 6 muajsh i ka dhënë 3300 euro ish-dhëndrit.

Nga ana tjetër, vrasësi i babait të Dan Hutrës i ka bërë thirrje shtetit që ti ruajë familjen, pasi ndihen të kërcënuar. Autori i vrasjes së babait të 40-vjeçarit, që tashmë e ka kryer dënimin për vrasje, tha se vrasja ka ndodhur për arsye prone.

Kurse e motra e vrasësit serial, thotë se i vëllai i kishte rrëfyer se donte të vriste personin që i kishte dhënë armën personit që kishte vrarë babanë e tyre. Ajo shtoi se edhe më parë ai ishte betuar se donte ta vriste këtë njëri.