Vrasja e 23-vjeçarit, babë e bir bashkëpunëtorë edhe në atentatin ndaj aktorit

Faik Buci, babai i Elgantina Bucit të vrarë dhe groposur në 2012, mësohet se ka qenë i përfshirë edhe në atentatin ndaj aktorit Mishel Prela në korrik të 2017 dhe për të cilin i biri Shkëlzeni po vuan dënimin.

Ai është dënuar me 1 vit burg për veprime që pengojnë zbulimin e të vërtetës. 65-vjeçari kishte çmontuar pistoletën që i biri Shkëlzeni tentoi të vriste aktorin Prela. Për ngjarjen e 2017, Shkëlzeni u dënua me 18 vite burg dhe përfitoi uljen e 1/3 së dënimit, duke marrë në finale 12 vite burg.

Bashkëpunëtori i vrasjes u dënua me 4 vite burg për atentatin ndaj Prelës. Tashmë babë e bir janë nën akuzë për vrasjen e vajzës Eglantinës, ku krimin dyshohet se ka kryer Shkëlzeni me urdhër të të atit.