Vrasja e 60-vjeçarit në Gjirokastër, Policia jep detajet për ngjarjen

Policia ka zbardhur ngjarjen e djeshme të ndodhur në fshatin Labovë e Zhapës, ku humbi jetën 60-vjeçari Andrea Xhavarra.

“Menjëherë pas ngjarjes së ndodhur në fshatin Labovë e Zhapës, ku pas një konflikti mes dy shtetasve humbi jetën shtetasi A. Xh., 60 vjeç, strukturat e Drejtorisë Vendore të Policisë Gjirokastër organizuan punën për zbardhjen e ngjarjes”, njofton policia.

Në përfundim të veprimeve të para hetimore policia arrestoi për veprën penale “Vrasja me dashje” shtetasin Jano Koleta.

Materialet i kaluan Prokurorisë pranë Rrethit Gjyqësor Gjirokastër, për veprime të mëtejshme.