Vrasja e dy biznesmenëve në Laç, zbulohen emrat e 3 bashkëpuntorëve të shpallur në kërkim

Zbardhen emrat e tre bashkëpuntorëve të Eduard Lamajt, të shpallur në kërkim për vrasjen e dy biznesmenëve në Laç më 30 maj, raporton News 24.

33-vjeçari Ili Xhepaj (Likaj), 31-vjeçari Elson (Oltion) Alija (Vlashi) dhe 21 vjeçari Klaudio Perkola janë tre personat të cilët së bashku me Eduard Lamajn ekzekutuan mbrëmjen e 30-majit dy biznesmenët Bujar Lika (Hasani) si dhe Paulin Gjergji.

Ndërkohë janë sekuestruar mjeti ‘’Volkswagen’’ me targa AA505UG që ka shërbyer për lëvizjen e autorëve si dhe ‘Land Roveri’, me të cilin u transportua Eduart Lamaj në klinikën private.

Ilir Xhepaj ndërkohë është aktualisht në kërkim edhe për një plagosje të ndodhur në maj të këtij viti, para vrasjes së dy biznesmenëve.