Vrasja e dy personave në Kavajë, policia jep detaje

Policia e Shtetit ka dalë me deklaratë zyrtare në lidhje me ngjarjen e rëndë që tronditi Kavajën pasditen e së mërkurës.

Krimi ka ndodhur te kryqëzimi i “Valutës”, ku pas një konflikt midis dy shtetasve, Edmond Gosa 43 vjeç, ka plagosur me thikë shtetasin Altin Rexha, 43 vjeç, i cili ka reaguar duke qëlluar me armë zjarri.

Si pasojë e plagëve të marra të dy shtetasit e përfshirë në konflikt, kanë ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave të ngjarjes. Në përfundim të veprimeve paraprake në vendngjarje, do të kemi një informacion vijues.