Vrasja e Klodian Rashës/ Prokuroria po zbulon nëse viktima dhe Nevaldo Hajdaraj njiheshin më parë

Vrasja e 25-vjeçarit Klodian Rasha nga efektivi i forcave të policisë “Shqiponja” ende nuk është zbardhur plotësisht pasi detaje të shumta po zbulohen vazhdimisht. Për të zbuluar përfundimisht motivin e vrasjes së Rashës nga polici Nevaldo Hajdaraj, prokuroria do të pyesë shokë të viktimës pasi ka inidice se viktima dhe polici njiheshin me njëri-tjetrin. Sipas dosjes së vrasjes së Klodian Rrashës, në orët e fundit të këtij hetimi,çështja është në fazën e zbulueshmerisë së motivit.

Njohjen me Klodian Rrashën, Nevaldo Hajdaraj i akuzuar për vrasje me dashje e ka mohuar gjatë dhënies së dëshmisë. Kualifikimi i kësaj akuze kërkon motivin apo shkakun e vrasjes. Verifikimi nëse kishin njohje apo jo është veprimi i fundit hetimor përpara se t’i dorëzohet gjykatës. Ndërkohë familjarët e Rashës kane marrë avokat për të monitoruar procesin hetimor.