Vrasja e turistëve rusë, eksperimenti me agjentë kimikë do kryhet javën që vjen

Eksperimenti me ndihmën e ushtrisë për të zbardhur misterin e vdekjes së 4 turistëve rusë në një hotel në Kavajë, pritet të zhvillohet ditët e para të javës që vjen.

Grupi hetimit kërkoi ekspertizën e forcave të armatosura, mbi përdorimin e mundshëm të agjentëve biologjik ose kimik që mund të kenë sjellë vdekjen e 4 turistëve në zonën relaksuese të hotelit

Përgjigja paraprake e ekspertizës mjeko-ligjore ka hedhur dyshimet se Sergey Burenkov, gruaja e tij Natalya, vajza Ekaterina dhe Nikita Belusov kanë humbur jetën nga asfiksia.

Prokuroria e Kavajës po e heton për vrasje dhe ka administruar dëshminë e një sërë personave që mund të kenë dijeni për ngjarjen. Gjatë eksperimentit do të jenë të pranishëm edhe përfaqësues të ambasadës ruse.