Vrasja në ish-Bllok, komunikohet sot masa e sigurisë për të plagosurit

Gjykata e Krimeve të Rënda pritet të komunikojë sot masën e sigurisë për ngjarjen e ndodhur në zonën e ish-Bllokut në Tiranë.

Ora News mëson se masa e sigurisë do të komunikohet në spital në orën 12:00 për shtetasin Ervis Martinaj dhe shokun e tij Eljon Haka, i cili ndodhet në gjendje më të rëndë për jetën.

Gjatë ditës së djeshme, prokuroria mori në pyetje në spital biznesmenin e basteve Ervin Martinaj për të dhënë shpjegime për ngjarjen. Burime nga Prokuroria bëjnë me dije se organi i akuzës do të kërkojë masën e sigurisë arrest me burg për dy të plagosurit.