Vrasja në Linzë, arrestohet një nga autorët, ish-efektiv policie

Policia e Tiranës njoftoi se ka arrestuar një nga personat e përfshirë në vrasjen e Enton Nikës, ngjarje e ndodhur pasditen e së mërkurës brenda parkimit të një restoranti, në Linzë.

Në pranga ka rënë Mirsad Kuçana, i cili ishte edhe një ish-efektiv në policinë e Durrësit.

Foto e shpërndarë nga policia, që i sigurua nga kamerat e sigurisë së restorantit Muraga, pak çaste para se të kryhej vrasja, i arrestuari shihet së bashku me Ervis Martinin duke qëlluar me grushta viktimën.

Por fakti që i arrestuari ka qenë edhe policë përbën një skandal, ndonëse çuditë në Shqipëri nuk kanë të sosur teksa njerëz që kanë mbajtur apo mbajnë uniformë ecin kah botës së krimit.