Vrau djalin e xhaxhait për 12 mijë lekë, arrestohet në Britani kuksiani

Një 35 vjeçar me origjinë shqiptare u arrestua dje nga policia britanike në Pickwick Terrace, Slough.

Granit Shehu është shpallur në kërkim ndërkombëtar nga autoritetet shqiptare.

Ai u dërgua në një stacion qendror të policisë në Londër dhe u paraqit në gjykatën e magjistratëve në Westminster të njëjtën ditë.

Shehu akuzohet se ka qëlluar për vdekje djalin e xhaxhait të tij më 16 shtator të vitit 2015.

Që prej atëherë, Shehu është arratisur.

Shehu thuhet se ka jetuar në Londër, Eastbourne, Leeds dhe West Midlands.

Prokuroria e Krimeve të Rënda ka kërkuar burgim të përjetshëm në mungesë për shtetasin Shehu, i cili akuzohet për vrasje me paramendim. Krimi ka ndodhur më 16 shtator të vitit 2015, ku ky shtetas ka vrarë djalin e xhaxhait të tij, Milazim Shehu.

Shkak i krimit të rëndë ka qenë një konflikt për vjedhjen e një shume prej 12 mijë lekësh në shtëpinë e shtetasi Granit Shehu.

/Ora News