Vrau emigrantin në Greqi, arrestohet shqiptari

Një i ri shqiptar është arrestuar nga Policia në Greqi pasi akuzohet për vrasjen e një emigranti nga Afganistani.

Ngjarja ka ndodhur më datë 8 mars, ku 24 vjeçari shqiptar pas një sherri të çastit ka qëlluar me armë zjarri drejt emigrantit duke e lënë kështu të vdekur.

Sipas hetimeve të policisë greke, sherri mes grupit shqiptar dhe atij afgan ndodhi për mosmarrëveshje lidhur me pazaret për lëndë narkotike.

I arrestuari ka qenë i akuzuar në të kaluarën për bashkëpunim në vrasje me dashje, tentativë për vrasje si edhe për përfshirje në banda kriminale të trafikut të drogës.