Vrau ish-gruan gjyqtare, burg përjetë për Fadil Kasemin

Gjykata e Krimeve të Rënda ka vendosur burg për jetë për Fadil Kasemin, i cili vrau bashkëshorten e tij, gjyqtaren Fildez Hafizi.

Vendimi është dhënë pak minuta më parë, pas një procesi që ka zgjatur për rreth një vit e gjysmë. Kasemi është gjetur fajtor për të treja akuzat që janë: Armëmbajtje pa leje, vrasje me dashje dhe rrëmbim personi.

Mbrojtja pretendoi se organi i akuzës ka dhënë vetëm një akuzë copy paste, duke mos argumentuar për motivet e vrasjes.

Ai gjithashtu tha që ai duhet të dënohet maksimumi 25 vite burg, pasi motivet duhet të jenë lehtësuese. Nuk behet fjalë vetëm për xhelozi, por bëhet fjalë për tradhti bashkëshortore dhe mosmirënjohje.