Vrau kunatën me të cilën kishte edhe lidhje, burg përjetë për Xhepën

Burgim të përjetshëm kërkon Prokuroria për Dashamir Xhepën, vrasësin e nënës së katër fëmijëve, Lirie Xhepa, të cilën e kishte edhe kunatë. Ngjarja e rëndë ndodhi më 14 shkurt të vitit të shkuar. Lirie Xhepa ishte kunata e ve e Dashamir Xhepës, pasi i shoqi i kishte vdekur kohë më parë.

Ajo ishte nënë e katër fëmijëve, me të cilët jetonte në Sharrë. Ditën e Shën Valentinit, Dashamiri e takoi Lirien dhe e qëlloi me dy plumba, duke e lënë të vdekur. Ai u arrestua pak ditë pas krimit në një hotel në Peshkopi.

Përpara trupit gjykues, Xhepa tha se kishin konflikte për pronat dhe se viktima u kishte ulur reputacionin duke krijuar lidhje intime mepersona të tjerë në fshat, por hetimet zbuluan se vitkima dhe autori, kishin vetë një marrëdhënie të tillë.