Vritet me armë zjarri një 43-vjeçar në Dajç të Shkodrës
Aktualitet E Shtunë, 28 Nëntor 2020 12:45
Vrasje në Shkodër. Ngjarja ka ndodhur pak minuta më parë njësinë Dajç. Një 43-vjeçar me inicialet R.Z. ka mbetur i vrarë.
Policia ka shkuar në vendin e ngjarjes dhe ka ngritur pika kontrolli.
Policia e Shkodrës konfirmon vrasjen e ndodhur në njësinë Dajç teksa jep informacion zyrtar për ngjarjen. Mësohet se në ndihmë të Policisë lokale janë nisur forcat e FNSh Shkodër dhe forcat Speciale Renea.
“Më datë 28.11.2020, rreth orës 11:20, në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip ‘BMW’ shtetasi R. H. 46 vjeç banues në fshatin Darragjat, Shkodër. Shërbimet e Policisë kanë mbërritur menjëherë në vendngjarje.
Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve.
Janë ngritur pika kontrolli në akset rrugore në bashkëpunim me DVP Lezhë”, bën me dije policia.
