“Vuajnë, nuk i shoh dot”, nëna nga Fieri shpërthen lot për fëmijët

Në një shtëpi të rrënuar, me mure të rëna dhe të mbuluar nga lagështira jeton në varfëri të tejskajshme familja Hoxha në lagjen Sheq i Madh në Fier. Familja prej 4 anëtarësh, prindërit dhe 2 fëmijët e vegjël, 12 muajsh dhe 6 vjeç ngrysin ditët në këtë banesë, e cila nga çasti në çast mund t’i zërë brenda.

Nëna e dy fëmijëve, Alma tregon se nuk mund të sigurojë as ushqim për fëmijët. Edhe kur ata sëmuren, ajo nuk mund t’u blejë ilaçet. Për shkak të problemeve shëndetësore që Alma ka, nuk mund të punojë. Gjendja në të cilën ndodhet ka bërë që Alma shpesh të mendojë edhe vetëvrasjen.

I vetmi burim mbijetese për këtë familje janë të ardhurat që vijnë nga puna që bën në një lavazho, kryefamiljari Arditi. Por edhe këto pak të ardhura nuk i mjaftojnë për të ushqyer fëmijët.

Arditi dhe Alma e vetmja gjë që kërkojnë është një strehe e ngrohtë për 2 fëmijët e tyre. Ata bëjnë apel që dikush të vendosë dorën në zemër dhe t’i ndihmojë.

Për t’i ardhur në ndihmë familjes Hoxha mund të kontaktoni në numrin e telefonit: 69 866 2635