Vuçiç: Sa të jem president, nuk do t’u bashkohemi sanksioneve kundër Rusisë!
Aktualitet Bota E Martë, 1 Mars 2022 12:38
Presidenti i Serbisë Aleksandër Vuçiç, tha se Serbia do të vazhdojë të respektojë integritetin territorial, por nuk do t’i bashkohet sanksioneve të Rusisë.
“Serbia do t’i përmbahet çdo gjëje që ka të bëjë me integritetin territorial dhe për sa i përket sanksioneve, Serbia nuk do t’i bashkohet, të paktën për aq kohë sa të jem president de facto i Serbisë”, tha ai.
Gjithashtu presidenti ka reaguar pas njoftimit nga kryeministri kroat i cili deklaroi se pas zhvillimeve të fundit mes Rusisë dhe Ukrainës, ushtria kroate është vendosur në gatishmëri.
Vuçiç bëri me dije se kjo është një e drejtë që i takon Kroacisë ta vendosë, ndërsa sqaroi se Serbia nuk do ta bëjë diçka të tillë.
“Nuk kemi arsye për të ngritur gatishmërinë luftarake”, tha Vuçiç.
