Xhaçka: 60% e administratës publike janë gra

Ministrja për Europën dhe Punët e Jashtme, Olta Xhaçka e pranishme në konferencën “Formimi i Politikës së Jashtme Feministe” në Berlin në fokus të së cilës është promovimi i grave në politikën e jashtme.

Gjatë fjalës së saj, ministrja tha se përfaqësimi i grave mbetet prioritet kryesor i qeverisë shqiptare duke shtuar se sipas saj, Shqipëria ka aktualisht një nga përqindjet më të larta të ministreve gra në botë.

Po ashtu Xhaçka nënvizoi se 60% e të gjitha posteve të nivelit të mesëm dhe të lartë në administratën publike janë gra, megjithatë deklaroi se ka ende punë për të bërë.