Xhaçka kritika ndaj BE-së: E paqartë me rajonin

Në prag të samitit të Ballkanit Perëndimor, ministrja e Jashtme Olta Xhaçka, priti këtë të marë Kryetaren e OSBE-së, e cila njëkohësisht është edhe shefe e diplomacisë suedeze, Anna Linde të cilës i shprehu shqetësimin për situatën e paqartë që vjen nga Bashkimi Europian për rajonin.

”Ndodhemi në një moment ku vetë rajoni, paçka vështirësive e momenteve delikate, si ai i tensioneve në veriun e Kosovës, ka hedhur hapa shumë të mëdha përpara në rrugën e stabilizimit, zhvillimit e bashkëpunimit.

Por ku siç e dimë të gjithë ka një paqartësi, që vjen nga BE, lidhur me hapat e mëtejshme të rajonit në procesin e integrimit europian.

Kjo paqartësi sigurisht, krahas dëmit që i bën reputacionit të BE, dëmton edhe paradigmën mbi të cilën është ngritur stabiliteti dhe bashkëpunimi në Ballkanin Perëndimor”.