Xhemal Gjunkshi: Në Shqipëri sundon krimi. Vendi i drejtuar nga një narko-shtet.

Duke marrë shkas nga vrasjet e ditëve të fundit në vend, ish-deputeti i Partisë Demokratike, Xhemal Gjunkshi deklaron se në Shqipëri sundon krimi dhe jo shteti, pasi sipas tij, vendi drejtohet nga një narko-shtet i instaluar nga socialistët e kryesuar nga Edi Rama.

Përmes rrjeteve sociale, Gjunkshi thekson se situata në Shqipëri është në gjendje dëshpëruese, pasi askush nuk po merret me atë çfarë po ndodh në këtë vend.

“Situata në Shqipëri është në gjendje dëshpëruese. Kjo nuk është Shqipëria që duam, nuk është Shqipëria që meritojmë. Çfarë thonë televizionet? Çfatë problemesh kanë shqiptarët dhe me  çfarë merren gazetarët? Askush nuk merret me realitetin se çfarë po ndodh në këtë vend. E turpshme, e pa tolerueshme ku po e dërgon dhe si po e degradon vendin kjo narko-qeveri!

Vetëm gjatë 24 orëve të fundit konstatohen: 1. Zhgënjim  për drejtesinë në Shqipëri; 2. Vrasje, tronditet Tirana; 3. Shkëmbim zjarri me Policinë; 4. Grabitje dhe plagosje me armë zjarri brenda në banesë; 5. Djegie të makinës së gardianit të burgut; 6. Sekuestrim droge në Memaliaj; 7. Trafikim dhe transportim heroine nga Durrësi për në Ankona; 8. Pengmarrje në Kryeqytet; 9. Vendime të dyshimta të gjykatave në vend; 10. Lirohen nga burgjet persona të dënuar për krime të rënda; 11. Përdhunim i të miturës; 12. Përdhunim dhe kërcënim i 13 vjeçares në Sarandë; 13. Favorizim në tenderim familjes Agim Kajmaku, i cili është në kërkim; 14. Mungesë të sigurisë rrugore; 15. Mashtrim banorëve të dëmtuar nga tërmeti në fshatin Floq, Korçë; 16. Qytetarët nxirren jashtë në rrugë në mes të Vlorës

Një ditë e keqe për demokracinë dhe drejtësinë e shumëpritur në Shqipëri. Artur Metani,  shërbëtor i Edi Ramës në drejtësi. Emërimi i tij vulos dështimin e reformës, kapjen dhe  politizimin e drejtësisë

Tronditet Tirana: Vritet me armë zjarri 28-vjeçari nga Dibra; Shkëmbim  zjarri me policinë për 2 vrasje/ Jonuzi i shpëtoi hetimit për parcelat me kanabis! Grabitje dhe plagosje me armë zjarri brenda në banesën e biznesmenëve. Pasiguri brenda në shtëpi. I vihet flaka makinës së gardianit të burgut: Në Memaliaj, në fshatin Vasjar kapet një sasi droge. Trafikim dhe transportim heroine nga Durrësi për në Ankona: Kishte fshehur 16 kg heroinë në kamion, shqiptari arrestohet në Itali.  Po Policia e Shtetit, Institucionet e Sigurisë ku janë? Gatishmëria e tyre?! Mungon Siguria rrugore. Brenda 24 orëve arrestohen 25 shoferë dhe pezullohen 192 leje drejtimi. Aksident i frikshëm në Pogradec. Pengmarrje në Kryeqytet. Merret peng qytetari në Kamëz. Një tjetër vendim skandaloz i drejtësisë shqiptare!  Gjykata e Fierit ka liruar nga burgu një tjetër person të rrezikshëm, pjesëtar të të ashtuquajturës “Banda e Durrësit”. “Urdhërohet lirimi i menjëhershëm i të dënuarit Sardian Sulejmani nga IEVP Fier”. Pas Endrit Dokles, në Krujë po projektohet lirimi i të fortit të “Rrugës së Kavajës”, Genc Ferhatit! Vrau me anti-tank dy persona. Përdhunohet një 16-vjeçare në zonën e plazhit në Durrës. Kërcënohet, dhunohet “kafshërisht” nga nëna, vajza 13-vjeçare në Sarandë. Shpërblehet nga  Ministria e Brendshme familja e të shpallurit në kërkim Agim Kajmaku. Agim Kajmakut iu hoq mandati për shkelje të ligjit të dekriminalizimit, pasi fshehu një rekord kriminal në Greqi. Gjykata e Tiranës ka caktuar “arrest me burg”, si i dyshuar për “falsifikim formulari”, “falsifikim dokumentash” dhe “përvetësim posti”. Si gjithmonë ai ka ikur në drejtim të paditur.  Policia “Nuk ka dijeni  se ku ndodhet  Agim Kajmaku” ?! Me siguri Agim Kajmaku endet në zyrat e Ministrisë së Brendshme, për të finalizuar tenderin e bërë nga kjo ministri të drejtuar nga Sandër Lleshaj. Qytetarët nxirren jashtë në rrugë. Nxirren nga ish-shtëpia e Oficerëve në Vlorë 8 familje, do të bëhen zyrat e reja të Kadastrës! Banorët: Me çfarë të jetojmë?! Mashtrohen banorët e Floqit. Dëmshpërblimet vetëm në letër. Shqipëria është në një situatë kaotike në duart e një gangsteri që po e shkatërron këtë vend dhe po shuan çdo shpresë për shqiptarët për një të ardhme të mirë”, theksoi Xhemal Gjunkshi.