Xhixho: Diktatura e Rilindjes duhet bojkotuar masivisht më 30 qershor

Nënkryetarja e LSI-së, Erisa Xhixho, përmes një postimi në facebook, thotë se vendimi i Kolegjit Zgjedhor, konfirmon se situata është pasoja e keqimplementimit dhe kapjes së Reformës në Drejtësi, që sipas sajë ka lënë vendin tonë pa Gjykatë Kushtetuese. ”Çdo vendim i çdo gjykate tjetër është jashtë juridiksionit të saj, ndaj dhe ata 5 anëtarë të kolegjit me urdhër politik dhe nën frikën e Vetting-ut kanë marrë një vendimmarrje antiligjore. E vetmja gjë që na ngelet për shpëtuar demokracinë dhe refuzuar diktaturen që po instalohet është bojkoti i votimeve të Rilindjes më 30 qershor”.

Postimi i plotë

Vendimi i sotëm i Kolegjit zgjedhor është një goditje ndaj shtetit të së drejtës, kushtetutës e funksionimit të shtetit mbi bazën e ligjeve. Pasi të marrësh tagrin e interpretimit të dekretit të Presidentit është guxim i madh dhe vendimmarrje politike e pastër.

Kur sot nuk jemi në proçes zgjedhor pasi Dekreti i Presidentit ka anulluar daten 30 qershor dhe për më tepër ai ka fuqi ligjore dhe detyruese për të gjithë pasi është botuar në fletoren zyrtare.

Kjo situatë është pasoja e keqimplementimit dhe kapjes së reformes në drejtesi që ka lënë vendin tonë pa Gjykate Kushtetuese. Si e vetmja që mund të interpretojë në mënyrë përfundimtare e shteruese një dekret të Presidentit të Republikës.

Çdo vendim i çdo gjykate tjetër është jashtë juridiksionit të saj, ndaj dhe ata 5 anëtarë të kolegjit me urdher politik dhe nën frikën e Vetting-ut kanë marrë një vendimmarrje antiligjore. E vetmja gjë që na ngelet për shpëtuar demokracinë dhe refuzuar diktaturen që po instalohet është bojkoti i votimeve të Rilindjes më 30 qershor.