Yuri Kim mbështet ”Open Balkan”: Të jenë 6 shtetet e Ballkanit Perëndimor

Ambasadorja e SHBA në Tiranë, Yuri Kim ka dalë hapur në mbështetje të nismës ”Open Balkan”. E ftuar në emisionin ”Now” në Euronews, Kim thotë se ”Ballkani i Hapur” do të ndihmojë në tregun shqiptar, ndërkohë që shtoi se duhet të jenë të 6 shtetet e Ballkanit Perëndimor.

”’Ballkani i Hapur” do të ndihmojë për ta bërë biznesin më të lehtë sepse Shqipëria nuk ka treg shumë të madh. Prandaj ka rëndësi që ”Ballkani i Hapur” të jetë i tillë, me përfshirjen e të 6 vendeve. Mendoj se Shqipëria është në një trajektore për t’u bërë një vend normal, por ka shumë punë para”.