Yuri Kim, takim me 15 prokurorët e SPAK: Do ndjekin penalisht ata që dëmtojnë shqiptarët dhe pasurojnë veten

Ambasadorja amerikane Yuri Kim ka zhvilluar një takim me 15 prokurorët e SPAK.

Këtë takim e ka bërë të ditur Ambasada Amerikane përmes një mesazhi në Twitter, shoqëruar me një në foto, ku shfaqen Yuri Kim së bashku me prokurorët.

“Ambasadorja Yuri Kim u takua me 15 prokurorët e SPAK për t’iu shprehur vlerësimin për punën e palodhur në ekip dhe ndjekjet penale të shumta të suksesshme. Është lajm i mirë për Shqipërinë që klasa e parë e hetuesve të BKH po iu bashkohet atyre në luftën kundër krimit dhe korrupsionit. Klasa e BKH me 28 hetues të përkushtuar dhe të trajnuar mirë do të sigurojë ndërtimin e çështjeve të forta nga SPAK. Së bashku, ata do u japin përparësi dhe fokus çështjeve më të rëndësishme dhe do modelojnë pavarësi dhe përgjegjshmëri. Së bashku, ata do të ndjekin penalisht dhe do bëjnë përgjegjës ata që dëmtojnë shqiptarët dhe pasurojnë vetveten përmes krimit të organizuar dhe korrupsionit. Askush nuk është mbi ligjin. Koha e pandëshkueshmërisë po merr fund”, shkruhet në mesazhin e Amdasadës në Twitter.

(1/3) Ambasadorja Yuri Kim u takua me 15 prokurorët e SPAK për t’iu shprehur vlerësimin për punën e palodhur në ekip dhe ndjekjet penale të shumta të suksesshme. Është lajm i mirë për Shqipërinë që klasa e parë e hetuesve të BKH po iu bashkohet atyre në luftën kundër krimit… pic.twitter.com/Ctu90N79J4

— USEmbassyTirana (@USEmbassyTirana) September 17, 2021