Zbardhet dokumenti KLP-së: Ja pse s’mund ta hetojmë Arta Markun

Pas kërkesës së opozitës për shkarkimin e kryeprokurores Arta Marku, kreu i KLP Gent Ibrahimi ka kthyer një përgjigje zyrtare ditën e sotme.

Ai është shprehur se e drejtat për nisjen procedimit disiplinor i takon Inspektoratit të Lartë të Drejtësisë, dhe deri në krijimin e këtij Inspektoriati, procedimi dop të bëhet nga KPA.
Kryetarët e dy grupeve parlamentare, Petrit Vasili nga LSI dhe Edmond Spaho nga PD, rreth një muaj më parë kanë kërkuar që kryeprokurorja Arta Marku të shkarkohet nga posti.

Kryeprokurorja e Përkohshme, Arta Marku, duke folur ne nje mbledhje të Komisionit Parlamentar të Ligjeve, ku paraqiti raportin vjetor të Prokurorisë së Përgjithshme për vitin 2017.

Sipas tyre “Arta Marku është e ngarkuar me detyrë nga ligji që të verifikojë integritetin e figurës për të gjithë ata që kandidojnë për Këshillin e Lartë të Prokurorisë, por në rastin e Bujar Sheshit nuk e ka përmbushur këtë detyrim ligjor”.

Ndërkohë në mbledhjen e pak ditëve më parë të KLP, është shqyrtuar kërkesa e opozitës, por është thënë se kjo nuk është në kompetencat e KPL të përgjigjet për shkresën për shkarkim.

“Nuk është në kopentencat tona, argumentimin do ta bëjë me një shkresë që do t’ia drejtoj opozitës”, u shpreh Kreu i KLP, Gent Ibrahimi pak ditë më parë.

Letra 

Letra e krerëve të dy grupeve parlamentare mban datën 28 janar 2019 ndërsa u shqyrtua nga KLP ne mbledhjen e datës 22 shkurt 2019. Në letër PD e LSI akuzon Prokuroren Arta Marku se ka shkelur rëndë ligjin duke mos përmbyshur detyrimin ligjor për verifikimin e plotësimit të kushteve ligjore nga kandidatët, duke u nisur nga rasti i Bujar Sheshit dhe i kërkon KLP nisjen e procedimit disiplinor duke urdhëruar shkarkimin e menjëhershëm nga detyra.

Por KLP ne mbledhjen e dates 22 shkurt shpalli moskompetencën e saj. Ne letrën që mban firmën e Gent Ibrahimit, kreut të KLP-së dhe mban datën 22 shkurt argumentohet:

1- E drejta për nisjen e procedimit disiplinor ndaj Prokurorit të Përgjithshëm i takon Inspektorit të Lartë të Drejtësisë.

2 – Dispozitat tranzitore të Kushtetutës nuk parashikojnë se cili institucion do të ushtrojë kompetencën për nisjen e procedimit disiplinor ndaj Prokurorit të Përgjithshëm në periudhën kalimtare deri në krijimin e Inspektoriatit të Lartë të Drejtësisë.

3- Deri në përfundim të mandatit të Kolegjit të Apelimit procedimet disiplinore kundër  Prokurorit të Përgjithshëm shqyrtohen  nga Kolegji i Apelimit dhe jo KLP.