Zbulohet lista, vendet turistike më të rrezikshme dhe në sytë e ISIS (FOTO)

Aktualitet Bota E Enjte, 27 Maj 2021 04:07

Pas një viti të ngarkuar, koha është e pushimeve. Por si vitin e shkuar por edhe më së shumti këtë vit, terrori dhe frika vazhdon të përhapet fuqishëm nëpër Europë. Pyetja e secilit prej nesh është se sa të sigurta janë vendet turistike në të gjithë Europën? Shtetet më të preferuara nga turistët, çdo vit publikojnë nivelin e kërcënimit, raport që bëhet pas sulmeve të grupeve terroriste (ISIS).

Nisur nga Spanja, Franca, Portugalia, Italia dhe Greqia, dhe vende të panumërta pushimi në të gjithë Europën, që vizitohet nga turistët por që trazirat politike dhe komplotet terroriste, janë përplasur në të gjithë kontinentin, ku shumë turistë mbetet të shqetësuar për sigurinë e tyre në këto vende turistike-“raporton “Koha Jonë”.

Hulumtimet kanë zbuluar se 40 % e pushuesve britanikë mendojnë se janë vendi më i synuar nga terroristët. 97% e britanikëve thonë se siguria është shqetësimi kryesor kur zgjedhin destinacionin e tyre të pushimeve.

Tabloiti britanik “Daily Express” ka gjetur se sa i sigurt është zgjedhja e destinacionit tuaj këtë verë.

Zyra e Jashtme dhe Komonuelth (FCO) ka përditësuar kohët e fundit kategoritë e kërcënimeve terroriste për udhëtarët britanikë. Vendet më parë ishin të ndara ose si një kërcënim i lartë, i përgjithshëm, themelor ose i ulët i terrorizmit por këtë ka ndryshuar.

Pas një konsultimi në vitin 2016, FCO ka ndryshuar sistemin e kategorisë në mënyrë që të ofrojë hollësi të mëtejshme.

“Pas komenteve të marra gjatë konsultimit, mënyra se si paraqitet kërcënimi nga terrorizmi do të bëhet më përshkrues, duke ofruar më shumë informacion në lidhje me parashikueshmërinë, frekuencën, kontekstin dhe shtrirjen e sulmeve në vendet individuale, si dhe vlerësimin e Kapaciteti i shërbimeve të sigurisë lokale për të parandaluar dhe për t’iu përgjigjur sulmeve. Kjo qasje u mbështet nga publiku dhe nga industria e udhëtimeve””.

Të listuara si “të rënda”, kërcënimi i terrorizmit në Britani të Madhe është më i larti në Europë, kështu që kudo që pushuesit britanikë zgjedhin të bëjnë pushimet, do të kenë një kërcënim më të vogël në krahasim me vendin e tyre.

Rusia është i vetmi vend në kategorinë tjetër, me një kërcënim “të lartë” të terrorizmit. FCO shpjegoi: “Kërcënimi kryesor terrorist në Rusi vjen nga grupet islamike dhe rebele në Kaukazin e Veriut, por sulmet nuk janë të kufizuara në këtë rajon. Sulmet e mëparshme kanë parë një numër të madh të viktimave”.

Kategoria tjetër kërcënuese e terrorizmit është “shumë e mundshme”, e cila përfshin: Francën, Belgjikën, Gjermaninë, Turqinë, Austrinë dhe Maqedoninë.

Ato vende me kërcënim “të mundshëm” të terrorizmit përfshijnë: Bosnje-Hercegovinë, Qipro, Itali, Holandë, Spanjë dhe Suedi.

Burimi: Daily Mail/Përshtati: Redjon Shylla/Koha Jonë