Zbulohet parcela me bimë narkotike në Vlorë, pranga 51 vjeçarit

Policia e Vlorës zbuloi dhe asgjësoi të martën, një parcelë me 63 bimë narkotike kanabis sativa, si edhe arrestoi një 51-vjeçar. Burime zyrtare të policisë lokale bënë të ditur për ATSH-në se, bimët narkotike me lartësi 170 cm, u zbuluan në fshatin Babicë e Vogël, 5 km në verilindje të Vlorës, gjatë një operacioni antikanabis. Për kultivimin e tyre ishte çelur një parcelë në nje mjedis me bimësi të ulët, në periferi të fshatit. Policia arrestoi pronarin e parcelës, 51- vjeçarin  Dhimitër Islamaj, i cili akuzohet për veprën penale të kultivimit të bimëve narkotike. Gjatë dy muajve të fundit, policia e Vlorës i ka intensifikuar operacionet antikanabis, duke u shtrirë në të gjithë territorin. Deri tani janë zbuluar dhe asgjësuar përmes diegies, më shumë se 20 mijë bimë narkotike.