Zelensky refuzon Presidentin gjerman, kancelari Scholz: Jo-ja është irrituese
Refuzimi që bën presidenti ukrainas, Volodymyr Zelenskyy për të pritur në Kiev presidentin e Gjermanisë, Frank-Walter Steinmeier, ka nxitur debat politik në Berlin.
”Jo-ja është irrituese”, janë fjalët e kancelarit gjerman Olaf Scholz. “Presidenti Steinmeier u rizgjodh së fundmi në Bundestag me një shumicë të madhe dhe përfaqëson Republikën Federale të Gjermanisë”, tha sot zëdhënësi i qeverisë.
Lidhjet e ngushta që presidenti Steinmeier ka pasur me Rusinë gjatë viteve të fundit, mendohet të jenë arsye e refuzimit nga ana e Ukrainës. Si ministër i Jashtëm, ai kishte kontakte ndër të tjera, me ministrin e jashtëm rus Sergei Lavrov, madje konsiderohet edhe si mbështetës i madh i gazsjellësit të diskutueshëm Nord Stream 2 dhe arkitek i politikës miqësore ndaj Rusisë.
Kjo ka shkaktuar irritim në Gjermani.
