Zgjedhje të reja në Himarë? Deputeti i PS-së analizon çështjen që prek edhe Fredi Beleri

Do të jetë Fredi beleri, kryetari i Himarës për 4 vitet e ardhshme, dhe nëse jo, do të ketë zgjedhje të reja në bashkinë e Himarës? Deputeti i Partisë Socialiste, Ilir Metaj thotë se arrestimi i Fredi Belerit është një çështje e drejtësisë për një akuzë penale për të cilën Beleri ka rënë në përgjime.

“Mos të marrim rolin e dretësisë, pasi drejtësia është mjaftueshëm e drejtë dhe profesionale për të dhënë drejtësi. Po flasim për një abuzim të kreyer në kundërshtim me ligjin dhe të kapur në flagrancë. Për të parë nëse drejtësia është e kapur, mjaftojmë të shohim se mjaft zyrtarë të lartë nga radhët e PS janë duke u përballur me ligjin”, tha Metaj.

Pyetjes nëse PS-ja është e gatshme për të shkuar në zgjedhje në Himarë, nëse Beleri nuk betohet dhe nuk merr mandantin, Metaj iu përgjigj duke thënë se Partia Socialiste është një forcë politike e gatshme kurdoherë për të hyrë në beteja elektorale.