Zgjedhjet në 6 bashkitë? Dervishaj: Qëndrimin zyrtar do ta shpallë vetë kreu i shtetit

Këshilltari i Presidentit, Bledar Dervishaj nënvizoi në konferencën për shtyp se Gjykata Kushtetuese ka shmangur pyetjet themelore për zgjedhjet një partiake të 30 Qershorit, duke anashkaluar trajtim me themel të çështjes duke e kaluar në juridiksionin politik.

“Tre pyetjet drejtuar Komisionit të Venecias nuk kishin lidhje të drejtpërdrejtë me objektin e shqyrtimin por kërkonin të orientonin dhënien e një opinion për të legjitimuar vendimmarrjen për shpalljen e mungesës së kompetencës”.

Me këtë qëndrim, këshilltari la të kuptohet se Presidenti Ilir Meta nuk do të dekretoi një datë për zgjedhje të pjesshme lokale për 6 bashkitë që janë pa kryetar të zgjedhur. Këtë qëndrim zyrtar pritet ta shpallë vetë kreu i shtetit.