Zgjedhjet në Serbi/ Lubonja: Vendi i dytë në Europë pas Shqipërisë ku opozita i bojkoton, Vuçiç ka kapur gjithçka, frymëzohet nga Putin

Analisti Fatos Lubonja i ftuar në emisionin ‘’Real Story’’ të Sokol Ballës në News24 ka thënë se zgjedhjet në Serbi janë të dytat pas atyre në Shqipëri sa i përket Europës ku opozita nuk merr pjesë.

Sipas Lubonjës kjo ndodh sepse zgjedhjet janë të lexuara dhe thotë se Vuçiç në Serbi ka kapur çdo gjë si mediat, institucionet etj, pasi frymëzoeht nga Putini.

Prandaj dhe Lubonja është kundër qëndrimeve që Vuçiç ka sjellë stabilitet politik dhe ekonomik në Serbi.

‘’E para njëherë mendoj që këto elozhet për Vuçiçin si njeri që ka krijuar stabilitet dhe ekonomi mund të jenë të vërteta. Edhe fashizmi arriti arritje, Hitleri në ’33 mori drejtimin kurse në ’40 sulmoi gjithë Europën. Prandaj duhet të jemi më të kujdesshëm. Rasti i zgjedhjeve që ka marrë vëmendjen edhe të shqitparëve. Vendi i dytë pas Shqipërisë që opozita nuk merr pjesë në zgjedhje. Zgjedhjet janë të lexuara, të paralajmëruara. Kemi rastin e Putin nga ku frymëzohet dhe Vuçiç. Këtu bëhet fjalë për një kthim jo ne sukses, por në origjinë nga pikëpamja e demokracisë. Tani hapet fjala kush i dashka këto zgjedhje. Na del që i duan amerikanët se e kanë më kollaj për marrëveshje. Vuçiçi s’ka pengesa. ‘’- tha Lubonja.

Ai tha se Vuçiç tashmë që nuk ka pengesa në Serbi për marrëveshjen me Kosovës do të kërkojë të marrë diçka.

Lubonja thotë se që Kosova të marrë Luginën e Preshevës dhe të njihet nga Kosova është vetëm një përrallë teksa Vuçiç do të jetë ai që do të kërkojë një copë nga Kosova.

Po më tej Lubonja thotë se vetë SHBA do i kërkojë Kosovës që për një marrëveshje duhet të japë diçka por shkëmbimi i territoreve sipas tij kundërshtohet nga BE.

Edhe pse Serbia është një faktor shumë i fuqishëm në Ballkan, më shumë se Shqipëria e Kosova, Lubonja thotë se shkëmbimi i territoreve bie ndesh parimeve europiane të BE. Po ashtu analisti ka dyshime nëse shkëmbimi i territoreve është ide e SHBA-ve apo Trump-it por për në Kosovë është i sigurt se atë e do Thaçi.

”Varret çfarë marrëveshje. Një marrëveshje që Kosova merr njohjen e Serbisë dhe merr Luginën e Preshevës, këtë përrallë nuk e ha askush. Këtu ose ka një marrëveshje që ose ka shkëmbim territoresh. Sigurisht jemi në fushën e hipotezave. Të thuash që të marrësh Preshevën dhe të të njohë Serbia. Shoh disa probleme. Një marrëveshje që bëhet pa Europën, për dy vende që aspirojnë në BE, ndërkohë thonë Amerika Amerika. Kjo është problematike.

Tani unë po i referohem bisedës, pasi Vuçiç është diplomat goxha i rafinuar. Serbia nuk është Serbia e Millosheviçit sot, është faktor i fuqishëm në Ballkan. Peshon më shumë se Shqipëria, për shkak dhe të shqiptarëve që kanë keqmenaxhuar vendet e tyre, shtetin e së drejtës dhe ekonominë. Vuçiç është fuqizuar, Serbia është fuqizuar. Dhe nëse bëhet fjalë për një marrëveshje, unë gjykoj që jemi më afër asaj idesë që Vuçiç mund të thotë që do të marr diçka, do marrë Serbia diçka, dhe SHBA i thotë shqiptarëve ne ju çliruam, merrni këtë copën këtu, jepni këtë copën edhe mbylleni.

Një tezë tjetër për të shkuar tek Grenelli. Faza e parë është investimi në ekonomi. Hidhet këtu krijohet një kënaqësi. Dhe është një problem më pas, që ekonomia dominon politikën. Ekonomia mbi të gjitha. Ekonomia por edhe politika. Nënkuptoj këtë që Europa nuk është kundër, por është kundër se çdo ndryshim kufijsh është një minim i një vizioni europian për Europën vetë, minim i shumë situatave prandaj BE nuk e pranon. Këtu ngrihet problemi, nëse SHBA e ka këtë vizion, kush e ka Trump apo amerikanët? Ajo që më shqetëson tek shqiptarët, politikanët që duan të bëjnë këtë ndryshim, në këtë rast është Thaçi. Mendimi im është.”- tha Lubonja