Zgjedhjet/ Regjistrohen si votues 2600 të burgosur në vend

Ditën e nesërme shqiptarët do të vendosin se kush do ta qeverisë vendin katër vitet e ardhshme dhe formimin e Parlamentit. Situata është e pazakontë për shkak të pandemisë Covid dhe janë marrë masat paraprake parandaluese. Mësohet se 18 nga qendrat e votimit do të jenë brenda institucioneve ku vuhet kufizimi i lirisë.

Sipas burimeve zyrtare të KQZ-së dhe Drejtorisë së Përgjithshme të Burgjeve janë konfirmuar plot 2600 persona të të regjistruar si votues në burgjet e vendit. Numrin më të lartë të votuesve e ka burgu 313 në Tiranë, pasuar nga ai i Fierit dhe burgu i Reçit në Shkodër. Por, referuar ligjit të dekriminalizimit 2400 të burgosur nuk do të lejohen të votojnë për shkak të veprave të rënda penale që kanë kryer.