“Zgjedhorja”, Bylykbashi zbulon propozimet e PD: Krimet Zgjedhore t’i hetojë SPAK

Përfaqësuesit politikë, ekspertët e OSBE/ ODIRH dhe ekspertët e Reformës janë mbledhur në një takim për të diskutuar mbi propozimet e Partisë Demokratike për Reformën Zgjedhore.

Përfaqësuesi politik i PD-së në tryezën e Reformës Zgjedhore, Oerd Bylykbashi ka zbardhur prezantimet e opozitës sa i përket kësaj reforme.

“Futja e një numri instrumentesh me mbajtjen e subjekteve që denoncojnë krimet zgjedhore, propozime lidhur me rolin e prokurorisë në goditjen e krimit zgjedhor dhe futja e këtij të fundit në kompetencat e SPAK, se në të shkuarën është lënë jashtë. Krimi i korrupsionit zgjedhor duhet të goditet nga strukturat më të larta të drejtësisë. Bashkë me ekspertizën e ODIR besojmë që do ecim me shumë shpejtësi. Paketa që do e keni në dispozicion kka të bëjë me garantimin e rregullave për të gjithë subjektet zgjedhore“, tha Bylykbashi.