Zgjidhet kryetari i ri i këshillit, Ndou: Do punojmë për zhvillimin e Shkodrës dhe të qarkut

Edmond Ndou nga Partia Socialiste, është zgjedhur këtë të enjte si kryetar i këshillit të qarkut të Shkodrës. Mbledhja e thirrur pas dorëheqjes së Marina Duhanit nga radhët e PSD-së. Edmond Ndou mori 18 vota pro dhe 1 kundër nga 19 anëtarët me të drejtë vote për këshillin e qarkut të Shkodrës. Në fjalën e tij, Ndou u shpreh se do të punojnë me përkushtim me të gjithë në të mirë të zhvillimit të Qarkut të Shkodrës.