Zhduken në mënyrë të mistershme dy vajza shqiptare në Angli

Dy vajza shqiptare, njëra 14 dhe tjetra 17 vjeçe, janë zhdukur në mënyrë të mistershme në Angli.

Policia e Cardiff, ka publikuar fotografitë e dy vajzave, bashkë me të dhënat e tyre, për shkak se prej ditësh janë zhdukur pa gjurmë.

Grisilda Dauti, 14 vjeç, e cila njihej ndryshe si Risa, ka humbur kontaktet me të afërmit më 14 janar.

Ndërkohë shoqja e saj Gabriela Shenbitrasi, 17 vjeçe, të cilën e njihnin edhe si Bela, është parë për herë të fundit po në datë 14.

Pavarësisht kontrollit nga policia në zona të ndryshme, por edhe kontaktin në rrethin e tyre shoqëror, nuk i ka gjetur.

Për këdo që ka informacion lidhur me vendndodhjen e tyre, policia vë në dispozicion numrat e kontaktit 101 dhe 004975.